اسلام آباد (مانیٹرنگ ڈیسک)اداکار عمر شریف کے انتقال پر بھارت سےبھی تعزیتی پیغامات آنا شروع ٗکپل شرما نے اپنے ٹوئٹ میں کہأ ”الوداع لیجنڈ “دوسری جانب وزیراعظم عمران خان کے معاون خصوصی
شہباز گل نے عمر شریف کے انتقال پر دکھ کا اظہار کرتے ہوئے کہا کہ اداکار کی رحلت پر دل انتہائی رنجیدہ ہے، اللّٰہ تعالیٰ عمر شریف کو غریقِ رحمت کرے اور پسماندگان کو صبر جمیل عطا فرمائے۔شہباز گل کا کہنا تھا عمر شریف کو اپنے کام کے باعث کامیڈی کی دنیا میں منفرد مقام حاصل رہا اور انہوں نے اپنی شاندار کام سے نسل در نسل ناظرین کے دِل جیتے، عمر شریف عوام کےدلوں میں ہمیشہ زندہ رہیں گے۔علاوہ ازیں وفاقی وزیر سید امین الحق کا معروف اداکار عمر شریف کے انتقال پر گہرے رنج وغم کا اظہار کیا ہے ۔ اپنے بیان میں سید امین الحق نے کہا کہ پاکستان اور دنیائے ظرافت ایک عظیم اداکار سے محروم ہوگیا،کروڑوں چہروں پر ہنسی بکَھیرنے والے عمر شریف جیسے فنکار صدیوں میں پیدا ہوتے ہیں۔ انہوں نے کہاکہ اس عظیم نقصان پر سوگوار خاندان کے ساتھ پوری قوم غمگین ہے۔
