اسلام آباد(نیوزڈیسک) موبائل فون کمپنیوں نے تھری جی انٹرنیٹ سروس پر عائد ٹیکس صارفین پر منتقل کرتے ہوئے انٹرنیٹ چارجز میں اضافہ کردیا ہے۔ذرائع کے مطابق 2کمپنیوں نے بذریعہ ایس ایم ایس اپنے صارفین کو انٹرنیٹ کے استعمال پر ٹیکس کی شرح کے مطابق اضافہ شدہ چارجز سے مطلع کر دیا ہے۔ ایک کمپنی نے نئے چارجز کا اطلاق چوبیس 24سے کردیا ہے جبکہ دوسری کمپنی 4اگست سے نئے چارجز وصول کرےگی۔ذرائع کا کہنا ہے کہ باقی کمپنیوں کی جانب سے بھی آئندہ چند روز میں چارجز بڑھانے کا اعلان کردیا جائےگا۔ انڈسٹری ذرائع کے مطابق انٹرنیٹ پرساڑھے 18 سے ساڑھے 19فیصد سروس ٹیکس اور 14فیصد فیڈرل ٹیکس کے نفاذ کے بعد موبائل کمپنیوں کےلئے اضافی ٹیکس صارفین کو منتقل کرنا ناگزیر ہوچکا تھا۔