اسلام آباد(نیوز ڈیسک)لاہور کے علاقے غالب مارکیٹ میں افسوسناک واقعہ پیش آیا جہاں ایک خاتون کو مبینہ طور پر نشہ آور مشروب پلا کر تین افراد نے اجتماعی زیادتی کا نشانہ بنایا۔ایکسپریس نیوز کے مطابق واقعہ ایک نجی ہوٹل میں پیش آیا، جہاں خاتون کو بہانے سے بلایا گیا اور اسے زبردستی نشہ آور چیز پلا کر درندگی کا نشانہ بنایا گیا۔پولیس کے مطابق متاثرہ خاتون کا تعلق ضلع قصور سے ہے، جس کی شکایت پر تھانہ غالب مارکیٹ میں تین ملزمان — ناصر، محمد خان اور زاہد شاہ — کے خلاف مقدمہ درج کر لیا گیا ہے۔
خاتون نے اپنے بیان میں بتایا کہ اس کا سابق شوہر ناصر اسی ہوٹل میں ملازم ہے، جبکہ ناصر کے کزن امتیاز نے کسی بہانے سے اسے وہاں بلایا۔ منگل کی صبح اسے نشہ آور لسی پلائی گئی، جس کے بعد تینوں افراد نے باری باری زیادتی کی۔پولیس نے فوری کارروائی کرتے ہوئے تینوں نامزد ملزمان کو گرفتار کر لیا ہے اور متاثرہ خاتون کو طبی معائنے کے لیے اسپتال منتقل کر دیا گیا ہے۔حکام کا کہنا ہے کہ میڈیکل رپورٹ موصول ہونے کے بعد مزید قانونی کارروائی عمل میں لائی جائے گی۔
