واشنگٹن (مانیٹرنگ ڈیسک /این این آئی)امریکی سیکرٹری خارجہ نے افغانستان میں ناکامی کا ذمہ دار افغان فورسز کو قرار دیدیا۔امریکی سیکرٹری خارجہ بلنکن نےکہا کہ افغان فورسز اپنے ملک کی حفاظت کرنے میں ناکام ہو گئیں ، امریکا کابل کی سکیورٹی سے متعلق طالبان کے ساتھ مذاکرات کررہا ہے، کابل میں طالبان کا داخل ہونا افغان فورسز کی ناکامی ہے ۔ دوسری جانب طالبان کو آگاہ کر دیا کہ اگر ہماری امریکی فوجیوںکو پر حملہ کیا گیا تو ہمار جواب پھر فیصلہ کن ہو گا ۔ تفصیلات کےمطابق امریکہ کے سیکریٹری خارجہ انتھونی بلنکن نے کہا ہے کہ کابل میں موجود سفارتی عملے کے تحفظ کو یقینی بنانے کے لیے کام کر رہے ہیں۔امریکی وزیرخارجہ انٹونی بلنکن نے کہاہے کہ ان کی افغان صدر اشرف غنی سے ٹیلی فون پر بات چیت ہوئی ہے۔غیرملکی خبررساں ادارے کے مطابق امریکی محکمہ خارجہ سے جاری بیان میں کہاگیاکہ امریکی وزیرخارجہ کی افغان صدر اشرف غنی سے افغانستان کی موجودہ سیکیورٹی کی صورتِ حال پر بھی بات چیت ہوئی۔امریکی وزیرخارجہ انٹونی بلنکن نے یہ بھی بتایا کہ کشیدگی میں کمی کی امریکی سفارتی اور سیاسی کوششوں پر بھی اشرف غنی سے بات ہوئی ہے۔