اسلام آباد(آن لائن ) وزیراعظم عمران خان نے کہا ہے کہ افغانستان میں مذاکرات اورسیاسی حل آگے بڑھنے کا واحد راستہ ہے، امید ہے کہ پاکستان افغان امن عمل کو آگے بڑھانے اورسیاسی حل کے لیے ہر ممکن کوشش جاری رکھے گا، ترکی کے ساتھ ہر ممکن تعاون کے لیے تیار ہیں

وز یر اعظم سے ترک وزیردفاع خلوصی آ قار ننے ملاقات کی ہے ۔ ملاقات میں علاقائی مسائل پربھی بات کی گئی جب کہ وزیراعظم عمران خان نے افغان امن عمل پر پاکستان کے نقطہ نظر سے آگاہ کیا۔وزیراعظم نے دوطرفہ دفاعی تعاون پراطمینان کا اظہارکیا۔وزیراعظم نے ترکی کے جنگلات میں آتشزدگی پرگہری تشویش کا اظہارکیا۔ وزیراعظم نے ترکی کے ساتھ مکمل یکجہتی کا اعادہ کرتے ہوئے کہا کہ آفت سے نمٹنے میں ترکی کے ساتھ ہرممکن تعاون کے لیے تیار ہیں۔ وزیراعظم عمران خان نے کہا کہ پاکستان اورترکی کے درمیان تاریخی دوستانہ تعلقات ہیں، دونوں ممالک کے درمیان منفرد باہمی تعاون اورباہمی اعتماد ہے۔ تمام مسائل بالخصوص مسئلہ کشمیرپرپاکستان کی مستقل حمایت پرترکی کے شکرگزر ہیں، باہمی مذاکرات کے ذریعے سیاسی حل ہی آگے بڑھنے کا واحد راستہ ہے۔افغانستان کے حوا لے سے وزیراعظم نے کہا کہ افغانستان میں مذاکرات اورسیاسی حل آگے بڑھنے کا واحد راستہ ہے، امید ہے افغان رہنما آگے بڑھنے کیلیے ہم آہنگی کی اہمیت کو تسلیم کریں گے۔ افغان رہنما جامع، وسیع البنیاد اور جامع سیاسی تصفیہ حاصل کریں گے۔ امید ہے کہ پاکستان افغان امن عمل کو آگے بڑھانے اورسیاسی حل کے لیے ہرممکن کوشش جاری رکھے گا ۔