اسلام آباد (این این آئی)وزیراعظم عمران خان کے مشیر برائے پارلیمانی امور بابر اعوان نیکہاہیکہ اگلا الیکشن الیکٹرانک ووٹنگ مشین (ای وی ایم) کے ذریعے ہی ہوگا،الیکٹرانک ووٹنگ مشین کے لیے ہر قیمت پر قانون سازی کی جائیگی ، اپوزیشن تجاویز دے کھلے دل سے قبول کریں گے۔میڈیاسے گفتگو کرتے ہوئے انہوںنے کہاکہ الیکٹرانک ووٹنگ مشین کے لیے ہر قیمت پر قانون سازی کی جائیگی ، اپوزیشن تجاویز دے کھلے دل سے قبول کریں گے۔بابر اعوان نے کہا کہ الیکشن کمیشن مشینیں خود اور اپنی مرضی سے خریدیگا، حکومت صرف سپورٹ کر رہی ہے ، الیکٹرانک ووٹنگ مشین کے تجربے ہر جگہ کرائے جائیں گے۔انہوںنے کہاکہ سپریم کورٹ بار کے الیکشن کے لیے بھی مشین آفر کریں گے، اگلا جنرل الیکشن انشاء اللہ قابل قبول ہوگا، دھاندلی روکنے کا طریقہ ٹیکنالوجی ہی ہے۔مشیر پارلیمانی امورنے کہا کہ بھارت میں بھی یہی ٹیکنالوجی ہی استعمال ہوئی اور مودی کی حکومت بنی،الیکشن پر خرچ اربوں میں ہوتا ہے اور نتیجہ دھاندلی کے نعرے ہوتے ہیں۔