لاہور( این این آئی)مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ لاہور میں پولنگ ایجنٹس کے بغیر پولنگ کا عمل شروع کیا گیا،

گوجرنوالہ میں ڈپٹی کمشنر نے ہمارے پولنگ ایجنٹس کو پولنگ اسٹیشن سے باہر نکالا،راولپنڈی سے بھی پولنگ ایجنٹس نے شکایات درج کرائی ہیں ۔ اپنے بیان میںانہوںنے کہا کہ بہاولپور اور چنیوٹ میں بھی یہی صورتحال رہی ،شادباغ پولنگ اسٹیشن پر 124 ووٹرز ہیں ان کو ووٹ کاسٹ کرنے سے روکا گیا ،مختلف اداروں کو استعمال کرنے کی تصویر اور فوٹیجز سوشل میڈیا پر آچکی ہیں،الیکشن کمیشن آزاد کشمیر اپنی ذمہ داریاں پوری کرنے میں ناکام رہا،الیکشن کمیشن آزاد کشمیر پہلے دن سے متنازعہ ہو چکے ہیں،وفاقی وزیر علی محمد پولنگ اسٹیشن کے اندر کیا بلے کو ووٹ ڈلوانے گئے ؟،پی ٹی آئی دھاندلی کی پیداوار جماعت ہے ان کے ہر کام میں دھاندلی کا عمل دخل ہے ،پولنگ کا عمل شروع ہونے سے پہلے ہی دھاندلی کے ثبوت سوشل میڈیا پر آگئے ،عمران خان کی ہر چوری راستے میں ہی پکڑی جاتی ہے۔