اسلام آباد(این این آئی) ڈریپ (ڈرگ ریگولیٹری اتھارٹی) نے معدے کے بیکٹیریل انفیکشن کے علاج کے لیے تیار کردہ نجی کمپنی کی ’’جنٹامڈ انجکشن‘‘ کی مخصوص بیچ کو ملاوٹ شدہ و غیر معیاری قرا دیتے ہوئے باضابطہ میڈیکل پراڈکٹ الرٹ جاری کردیا۔ڈریپ نے متعلقہ کمپنی کو

مذکورہ انجکشن کی بیچ کے تمام اسٹاک کو مارکیٹ سے واپس اٹھا کر7 یوم کے اند ر عمل درآمدی رپورٹ جمع کرانے کی ہدایت کردی۔ڈرگ ریگولیٹری اتھارٹی نے بیکٹیریل انفیکشن کے علاج کے لیے تیار کردہ نجی کمپنی کی ’’جنٹامڈ انجکشن‘‘ کی مخصوص بیچ کوملاوٹ شدہ و غیر معیاری قراردیتے ہوئے باضابطہ میڈیکل پراڈکٹ الرٹ جاری کردیا۔ڈریپ کے مطابق سینٹرل ڈرگ ٹیسٹنگ لیبارٹری نے نجی ادویہ ساز کمپنیمیڈیٹ فارماسیوٹیکل کمپنی کی تیار کردہ جنٹامڈ انجکشن کے بیچ نمبر A-20434 کو باضابطہ ملاوٹ شدہ و غیر معیاری قرار دیدیا۔ڈرگ ریگولیٹری اتھارٹی نے مذکورہ انجکشن کو مارکیٹ سے واپس اٹھانے کے لیے متعلقہ کمپنی کو ہدایت کردی۔ ڈریپ نے مذکورہ کمپنی کو ہدایت جاری کی ہے کہ سی ڈی ایل کی جانب سے ملاوٹ شدہ و غیر معیاری قرار دیے گئے مذکوریہ انجکشن کے بیچ کو تمام فارمیسیز، ہسپتال، سیل پوائنٹس وخریدار سے واپس لانے کے لیے اپنے سیلزآفیسرز، سپلائرز اینڈ ڈسٹری بیوٹرز کو الرٹ کرے۔ڈریپ نے مذکورہ کمپنی کو ہدایت دی ہے کہ وہ مذکورہ انجکشن کو مارکیٹ سے واپس اٹھاکر سات یوم کے اندر عمل درآمدی رپورٹ جمع کرائے۔