عجمان (مانیٹرنگ ڈیسک ) عجمان کے حاکم اور سپریم کونسل کے رکن شیخ حومید بن راشد النوئیمی نے ایک بچی کے علاج کا سارا خرچہ اٹھایا ہے جو دماغ میں ایک بڑے ٹیومر سے متائثر تھی۔ یہ بچی رابات میں شیخ زید اسپتال مراکش میں 7 گھنٹوں کے کامیاب آپریشن سے گزری۔
علاج کا سارا خرچہ شیخ حومید نے اٹھایا۔ انہوں نے بچی کے خاندان کیلئے مراکش میں گھر خریدنے کا بھی حکم دیا۔خلیج اردو کے مطابق عجمان کے حاکم کے ذاتی سیکرٹری حماد بن ثالث الغفلی نے البیان کو بتایا کہ ہمیں گذشتہ رمضان میں مراکش کی ایک بچی کے بارے میں معلومات موصول ہوئی تھیں جس میں سر کے حجم کا ٹیومر تھا اور اسے ایک نازک سرجری کی ضرورت تھی ۔ ہم نے شیخ حومید بن راشد النعیمی کو آگاہ کیا اور انہوں عظمت نے بی کی سرجری کروانے کا حکم دیا۔ الغفلی نے کہا کہ بچی کے خاندان سے رابطہ کیا گیا اور اسے ماں کے ہمراہ رابات بھجوایا گیا اور وہاں طبی عملے نے ان کا شیخ زید اسپتال میں علاج کیا۔ رسولی ہٹائی گئی اور بچی کی بہتر صحت کے بعد اسے ڈسچارج کیا گیا۔ جب شیخ حومید مراکش کے دورے پر گئے تو ان کے خاندان نے شکریہ ادا کیا ، اس موقع پر عزت مآب شیخ نے متائثرہ خاندان کیلئے مراکش میں گھر خریدنے کا حکم دیا۔
