پشاور ( آن لائن)افغانستان میں پھنسے ہو ئے خیبر پختونخوا ، پنجاب کے چار ہزار متاثرین کو واپس لانے کے لئے پاک افغان طورخم بارڈر پر خصوصی انتظامات کر لئے گئے ہیں۔ ان کی واپسی آج سے ممکنہ طور پر شروع ہو جائیگی ۔ کرونا وائرس کی روک تھام کے لئے

ان کے ٹیسٹ طورخم بارڈر پرکئے جائینگے۔ خیبرپختونخوا کے 2ہزار ، پنجاب اسلام آباد ، کے تقریباً 2ہزار سے زائد شہری افغانستان میں پھنس چکے ہیں ۔ سعودی عرب جانے کے لئے کابل کے راستے جانے والے یہ پاکستانی گزشتہ تین دنوں سے کابل میں پھنسے ہو ئے ہیں ۔ سعودی عرب کی جانب سے افغانستان پر ہوائی سفر پر پابندی عائد کرنے کے بعد یہ پاکستانی پھنس کررہ گئے ہیں ۔ ذرائع نے بتایا ہے کہ ان پاکستانیوں کی واپسی پاک افغان طورخم بارڈر کے ذریعے کرنے کی منظوری دیدی گئی ہے ۔ طورخم بارڈر پر ان کی آمد کے باعث سکیورٹی ہائی الرٹ کردی گئی ہے۔دوسری جانب وزارت داخلہ کا کہنا ہے کہ 17جون سے مغربی سرحد پر ہر قسم کی نقل وحرکت پر مکمل پابندی عائد ہے ۔ شدید بیمار اور افغانستان میں پھنسے پاکستانیوں واپسی کی اجازت ہے۔ وزرات داخلہ کا کہناہے کہ افغانستان سے سعودیہ کا فضائی آپریشن معطل ہونے کے باعث بڑی تعداد افغانستان پھنس گئی ہے۔ افغانستان میں پھنسے پاکستانیوں کے لیے طریقہ جاری کر رہے ہیں۔ ویکسینڈ افراد کا پاکستان آمد پر ار اے ٹی ٹیسٹ کیا جائے گا۔وزرات کے مطابق مثبت کیسسز والے افراد 10قرنطینہ رہیں گے۔ کرونا منفی افراد کو گھر جانے کی اجازت ہو گی۔ نان ویکسینڈ افراد کو 10 قرنطینہ میں رہنا ہو گا۔ قرنطینہ میں موجود افراد کا 8دونوں بعد کرونا ٹیسٹ کیا جائے گا ۔صوبائی انتظامیہ چمن اور طورخم سے قرنطینہ سینٹر تک افراد کو لے کر جانے کے انتظامات کی ذمہ دار ہو گی۔