ٹنڈ والہیار(این این آئی) عیدالاضحیٰ عید کے قریب آتے ہی سندھ کے دیگر شہروں کی طرح ٹنڈوالہیار اور اس کے گردونواح کے علاقوں میں بھی مہنگائی کا جن بوتل سے باہر آگیا ٹنڈوالہیار اور اس کے گردونواح کے علاقوں میں ضلعی و تعلقہ انتظامیہ پرائز کنٹرول کی مبینہ نااہلی اور

غفلت کے باعث گراں فروشوں نے بکرا عید میں زیادہ استعمال ہونے والے ٹماٹر مرچی پیاز لہسن ادرک لیمو دیگر مصالحے انتہائی مہنگے کردیے ہیں جوٹماٹر 20 روپے کلو فروخت ہورہے تھے اب وہی ٹماٹر 100 روپے سے 120 روپے کلو فروخت کئے جارہے ہیں اسی طرح گراں فروشوں نے لہسن ادرک مرچی پیاز کی قیمتوں پر بھی 150 سے 200 فیصد اضافہ کردیا ہے جبکہ سبزیوں فروٹوں کی قیمتوں پر بھی بے پناہ اضافہ کردیا گیا ہے سندھ کے دیگر شہروں کی طرح ٹنڈوالہیار میں بکرا عید سے قبل ہونے والی حوشربا مہنگائی کے سبب غریب عوام کی چیخیں نکل گئی ہیں اس سلسلے میں غریب عوام کا کہنا ہے کہ عوام کی بنیادی سہولیات اور خود ساختہ مہنگائی کو کنٹرول کرنے اور خود ساختہ مہنگائی کرنے والوں کے خلاف ضلعی و تعلقہ انتظامیہ اور پرائز کنٹرول کی ذمہ داری ہوتی ہے غریب عوام کو مہنگائی کے حوالے کردیا ہے ان کا کہنا ہے کہ سندھ حکومت ضلعی انتظامیہ کی مبینہ لاپروائی اور غفلت کے باعث ہر چیز عوام کی پہنچ سے دور ہوگئی ہے عوام کا یہ بھی کہنا ہے کہ سیاسی حکمران اور ہمارے ووٹوں سے کامیاب ہوکر اسمبلیوں میں جانے والے ایم پی اے ایم این اے بھی عوام کے مسائل کو حل کرانے کے بجائے اسمبلیوں میں اپنے مفاد کی جنگ لڑنے میں لگے رہتے ہیں اور ملک میں ہونے والی مہنگائی بے روزگاری لوڈ شیڈنگ دیگر عوامی مسائل کو حل کرانے کے بجائے ایک دوسرے کو زمیدار ٹھہرانے میں لگ جاتے ہیں ٹنڈوالہیار کی عوام نے سندھ حکومت ضلعی و تعلقہ انتظامیہ سے مطالبہ کیا ہے کہ سندھ کے دیگر شہروں کی طرح ٹنڈوالہیار میں بھی منصوعی طور پر ہونے والی مہنگائی کے خاتمے کے لئے گراں فروشوں کے خلاف کاروائی کی جائے اور غریب عوام کو ریلیف دلایا جائے تاکہ غریب عوام بھی آنے والی بکرا عید کی خوشیاں بہتر طریقے سے منا سکے۔