اسلام آباد (مانیٹرنگ ڈیسک )سابق لیجنڈ ری باؤلر سرفراز نواز نے اپنی پنشن بحالی کیلئے آرمی چیف سے درخواست کر دی ۔تفصیلات کے مطابق لندن کے ویکسین سینٹر سے ان کی  ایک

ویڈیو وائرل ہو رہی ہے جس میں انہوں نے کہا ہےجب سے پاکستان کرکٹ بورڈ میں کرپشن اور جوئے کے شوقین افراد سے متعلق ثبوت سامنے لایا اس کے بعد کرکٹ بورڈ تو میرا دشمن بن گیا ہے میری پنشن بند کر دی گئی ہے اور میرا واحد ذریعہ معاش بھی ختم ہو گیا ۔ان کا کہنا تھاکہ احسان مانی نے ایک شخص کے ذریعے مجھ سے رابطہ کیا تھا جس کیلئے میں تیار بھی تھا مگر اب کہا جارہا ہے کہ معافی مانگوں اور اسلام آباد ہائیکورٹ میں دائر کیس واپس لوں ۔ انہوں نے دعویٰ کیاہے کہ یہ سب احسان مانی وزیراعظم عمران خان کو خوش کرنے کیلئے کر رہے ہیں ۔ عمران خان اور کرکٹ بورڈ میرا دشمن بنا ہوا ہے ،اب میں صرف آرمی چیف جنرل قمر جاوید باجوہ سےاپیل کرتا ہوں کہوہ بھی سپورٹس مین رہ چکے ہیں، وہ میری میری پنشن بحال کرنے اور واجبات کی ادائیگی کیلئے کردار ادا کریں ۔صحافی ڈاکٹر نوید الٰہی نے ان کی اپیل پر مبنی ایک ویڈیو پیغام شیئر کیا ہے ۔