لاہو ر(ا ین این آئی) ترجمان واپڈ نے کہا ہے کہ تربیلا ریزروائر میں پانی کی سطح کم ہو رہی ہے۔ ریزروائر میں پانی کی سطح کم ہونے سے تربیلا میں پن بجلی کی پیداوار متاثر،تربیلا سے پن بجلی کی پیداوار 1317 میگاواٹ ہے۔ غازی بروتھا سے 1445 میگاواٹ پن بجلی پیدا ہو رہی ہے۔

منگلا سے نیشنل گرڈ کو 839 میگاواٹ بجلی فراہم کی جارہی ہے۔ نیلم جہلم ہائیڈل پاور سٹیشن 969 میگاواٹ بجلی پیدا کر رہا ہے۔ واپڈا کے دیگر پن بجلی گھر نیشنل گرڈ کو 700 میگاواٹ بجلی مہیا کر رہے ہیں۔ واپڈا کے پن بجلی گھروں سے مجموعی طورپر 5270 میگاواٹ بجلی پیدا ہو رہی ہے۔ تربیلا ریزروائرمیں پانی کی صورت حال بہتر ہونے پر پن بجلی کی پیداوار بھی بڑھ جائے گی۔ ‎۔دوسری جانب خان پورڈیم میں پانی کی سطح خطرناک حد تک گرنے کے بعد جڑواں شہروں میں پینے کے پانی کی سپلائی معطل ہونے کا اندیشہ ہے۔میڈیا رپورٹ کے مطابق اسلام آباد اور راولپنڈی کو پینے کا پانی فراہم کرنے والے خانپور ڈیم میں پانی کی سطح گر گئی ہے، ڈیم میں پانی کی سطح انتہائی کم ہونے کے بعد جڑواں شہروں کو پینے کے پانی کی سپلائی معطل ہونے کا خدشہ پیدا ہوگیا ہے۔ڈیم انتظامیہ کے مطابق خان پور ڈیم میں پانی کا لیول کم ہو کر 1928 فٹ رہ گیا ہے، ڈیڈ لیول 1910 فٹ ہے، جڑواں شہروں کو چند دن مزید پانی دے سکتے ہیں، اور اگر یہی صورتحال رہی تو کسی بھی وقت اسلام آباد اور راولپنڈی کوپینے کے پانی کی سپلائی معطل ہو سکتی ہے۔دوسری جانب ڈیم میں پانی کی آمد 84 کیوسک، اخراج 194 کیوسک ہے، خشک سالی کے باعث خان پور ڈیم پر سیاحوں کی آمد میں بھی کمی ہوئی ہے،، خان پور ڈیم پر چلنے والی کشتیاں بھی کنارے لگا دی گئی ہیں۔‎