کابل(مانیٹرنگ +این این آئی) امریکی افواج کے انخلاء کے عمل کے ساتھ ہی طالبان کی پیش قدمی میں تیزی آ گئی ہے، افغان ٹی وی چینل کی رپورٹ کے مطابق تازہ ترین پیش قدمی میں طالبان نے کابل کے دو قریبی اضلاع سیاہ گرد اور شنواری پر قبضہ کر لیا ہے وہ اب کابل سے 63 کلومیٹر دور چاریکار شہر پہنچ گئے ہیں جبکہ چاریکار پر

قبضے کے لئے جنگ جاری ہے۔ دوسری جانب خبر رساں ادارے کا کہنا ہے کہ افغانستان میں طالبان اور افغان سیکیورٹی فورسز کے درمیان جھڑپوں میں گزشتہ 24 گھنٹوں کے دوران 248 طالبان ہلاک ہوگئے۔جھڑپوں کی وجہ سے کابل میں مسلسل پانچویں روز بجلی کی فراہمی منقطع رہی۔ شر پسندوں نے تاجکستان سے آنے والی بجلی کی ٹرانسمیشن لائن کو گزشتہ ہفتے تباہ کیا تھا۔غیرملکی خبررساں ادارے کے مطابق افغان وزارتِ دفاع نے بتایاکہ جھڑپوں میں 24 گھنٹوں کے دوران 200 سے زائد طالبان مارے گئے۔افغانستان کی پاور سپلائی یوٹیلیٹی کے ترجمان محمد ہاشم نے ترک خبر ایجنسی کو بتایا کہ شر پسند عناصر نے گزشتہ ہفتے 2 پاور ٹرانسمیشن ٹاورز کو تباہ کر دیا تھا جن کی بعد میں مرمت کر دی گئی تھی۔محمد ہاشم کے مطابق حکومت صوبے بغلان میں لڑائی کی وجہ سے بجلی کی ترسیل کی کیبلز کو جوڑنے اور بجلی کی فراہمی دوبارہ شروع کرنے میں ناکام رہی ہے۔افغان وزارتِ دفاع نے کہا کہ 24 گھنٹوں کے دوران کابل سمیت مختلف صوبوں میں آپریشن کے دوران 248 طالبان ہلاک جبکہ 137 زخمی ہوئے۔  امریکی افواج کے انخلاء کے عمل کے ساتھ ہی طالبان کی پیش قدمی میں تیزی آ گئی ہے، افغان ٹی وی چینل کی رپورٹ کے مطابق تازہ ترین پیش قدمی میں طالبان نے کابل کے دو قریبی اضلاع سیاہ گرد اور شنواری پر قبضہ کر لیا ہے وہ اب کابل سے 63 کلومیٹر دور چاریکار شہر پہنچ گئے ہیں جبکہ چاریکار پر قبضے کے لئے جنگ جاری ہے۔