اسلام آباد (این این آئی)پاکستان مسلم لیگ(ن) کی ترجمان مریم اورنگزیب نے شدید گرمی اور لوڈ شیڈنگ میں سکول بند کرنے کا مطالبہ کرتے ہوئے کہا ہے کہ بدترین لوڈ شیڈنگ عمران مافیا کی ناقص منصوبہ بندی ، بدانتظامی اور چوری کی وجہ سے ہے ،عمران مافیا پہلے چیز مہنگی کرتا ہے، پھر غائب کرتا ہے ۔ اپنے بیان میں
انہوںنے کہاکہ عمران صاحب اینڈکمپنی اپنی چوری نااہلی اور نالائقی کا ظلم معصوم بچوں پر کر رہے ہیں ۔ انہوں نے کہاکہ وزیراعظم نواز شریف نے طلب سے زیادہ بجلی بنا کر عوام کو دی۔ انہوں نے کہاکہ بدترین لوڈ شیڈنگ عمران مافیا کی ناقص منصوبہ بندی ، بدانتظامی اور چوری کی وجہ سے ہے ۔ انہوں نے کہاکہ قہر کی گرمی اور لوڈ شیڈنگ میں لوگوں کے بچے بے ہوش ہو رہے ہیں ،عمران مافیا پہلے چیز مہنگی کرتا ہے، پھر غائب کرتا ہے ،عمران مافیا نے چینی 52 سے 120روپے کلو کر دی لیکن پھر بھی عوام کو ملتی نہیں ہے ،عمران مافیا نے آٹا 35 سے 90 روپے کر دیا اور مارکیٹ سے غائب ،بجلی مہنگی ترین اور لوڈ شیڈنگ تاریخ کی بدترین ،کیا عمران صاحب اور ان کے وزراء کے بچے 43 ڈگری میں بجلی کے بغیر والے سکول جا رہے ہیں؟۔ انہوں نے کہاکہ عمران صاحب اور ان کے وزرا ء لوڈ شیڈنگ سے پاک ٹھنڈے کمروں میں !، عوام کے بچے آگ برساتے موسم میں بجلی کے بغیر والے سکول جانے پر مجبور ! ،نئے پاکستان میں عوام آٹے ، روٹی ، چینی ، اور اب شدید گرمی میں بجلی سے بھی محروم! ۔ انہوں نے کہاکہ تین سال میں مافیا نے آٹا چینی دوائی مہنگائی اور چوری سے عوام کو لوٹا،حکومت 23 ہزار 116 میگاواٹ بجلی نظام میں موجود ہونے کا اعتراف کر چکی ہے پھر 22 ہزار 600
میگاواٹ ڈیمانڈ کیوں پوری نہیں ہو رہی؟ ۔ انہوں نے کہاکہ کرپٹ اور نااہلی پی ٹی آئی ٹیم نے بجلی کی قیمت 11 سے بڑھا کر 19 روپے فی یونٹ کردی ،کرپٹ اور نااہل پی ٹی آئی ٹیم نے تین سال میں گردشی قرض 1150 سے بڑھا کر 2500 ارب کردیا ۔ انہوں نے کہاکہ کرپٹ اور نااہل پی ٹی آئی ٹیم نے ٹرانسمشن اور ڈسٹریبیوشن پروسائل اور کام کم کردیاجو مسلم لیگ (ن) کے دور میں جاری تھا ،کرپٹ اور نااہل پی ٹی آئی ٹیم نے 44 ڈگری میں قوم کو لوڈشیڈنگ کے عذاب سے دوچار کردیا ہے۔
