فیصل آباد(مانیٹرنگ ڈیسک /آن لائن/این این آئی ) روا ں سال 2021 کا پہلا سورج گرہن 10 جون بروز جمعرات کو لگے گا ، سال2021 کا پہلا سورج گرہن جزوی ہوگا جو دنیا کے مختلف ممالک افریقہ ،یورپ اور مغربی امریکامیں دیکھا جاسکے گا سال 2021میں 10جون کولگنے والا سورج پاکستان ،انڈیا اوربنگلہ دیش میں دیکھائی نہیں دے گا، ماہر فلکیات پروفیسر ڈاکٹر جاوید اقبال نے کہا ہے کہ

رواں سال کا پہلا سورج گرہن 10 جون کو ہوگا لیکن یہ پاکستان میں نظر نہیں آئے گا۔ڈائریکٹر انسٹیٹیوٹ آف اسپیس سائنس اینڈ ٹیکنالوجی جامعہ کراچی اور ماہر فلکیات پروفیسر ڈاکٹر جاوید اقبال نےرواں سال کے پہلے سورج گرہن کے حوالے سے اپنا بیان جاری کیا ہے۔انہوں نے کہاکہ 10 جون کا سورج گرہن روس، گرین لینڈ، شمالی کینیڈا، شمالی ایشیا، یورپ اور امریکا میں دیکھا جاسکے گا۔ماہر فلکیات نے مزید کہا کہ سورج گرہن پاکستانی وقت کے مطابق دوپہر 1 بج کر 12 منٹ پرشروع ہوگا۔پروفیسر ڈاکٹر جاوید اقبال نے یہ بھی کہا کہ 3 بج کر 42 منٹ پر سورج گرہن اپنے عروج پر ہوگا جبکہ 3 بج کر 34 منٹ پر یہ اختتام کو پہنچے گا۔اُن کا کہنا تھا کہ سورج گرہن کے دوران اس کا ’رِنگ آف فائر‘ دیکھا جائے گا۔واضح رہے کہ اپریل میں رواں سال کا پہلا سپر مون دنیا کے کئی ممالک میں دیکھا گیا۔ چاند زیادہ چمک دار، روشن اور بڑا دکھائی دیا۔میڈیارپورٹس کے مطابق سپر مون اس وقت ہوتا ہے جب چاند کا مدار زمین کے قریب ہوتا ہے۔اپریل میں نظر آنےوالے سپر مون کو گلابی سپر مون کا نام دیا گیا ہے۔سپر مون وہ چاند ہوتا ہے جو پورے چاند کی اوسط ظاہری جسامت کے مقابلے میں 7 فیصد تک بڑا ہوتا ہے جبکہ اس کی روشنی بھی دیگر مہینوں میں پورے چاند کی نسبت 15 فیصد تک زیادہ ہوتی ہے۔