اسلام آباد۔۔۔۔ اسلام آباد کے نئے ائیر پورٹ کی جھلک دیکھی ہے آپ نے ،بھلا دیکھیں تو آپ ایک مرتبہ تو انگلیاں دانتوں میں دبا لیں گے کہ ایسا پاکستان میں بھی ممکن ہے جی ہاں 2016 میں مکمل ہونے والے اسلام ا باد ائیر پورٹ کی آن بان دیکھ کر دنیا حیران رہ جائے گی یہ دنیا کا بہترین ائیرپورٹ ہو گا۔ اسلام ا باد کا نیا ائیرپورٹ فتح جنگ کے نزدیک تعمیر کیا جا رہا ہے۔ فرانسیسی کمپنی کے ڈیزائن سے سجا، 32 ایکڑ پر پھیلا یہ خوبصورت ائیرپورٹ تعمیر ہوتے ہی نہ صرف دارالحکومت اسلام ا باد بلکہ پاکستان کیلئے دنیا بھر میں نیک نامی کا سبب بنے گا۔ اس شاندار ائیرپورٹ میں پیسنجر ٹرمینل بلڈنگ، رن وے ، ٹیکسی وے اور دنیا کے بڑے بڑے جہازوں کے اترنے کی سہولت موجود ہو گی۔ جدید ترین ائیرپورٹ پر ائیر بس اے 380 جیسے مسافر طیارے بھی لینڈ کر سکیں گے جن کیلئے وسیع رن وے اور جدید کنٹرول ٹاور ضروری ہوتا ہے۔ یہ ائیرپورٹ انٹرنیشنل حب کے طور پر دنیا بھر کی فضائی کمپنیوں کو ایوی ایشن کی تمام سہولتیں فراہم کرے گا۔ ائر پورٹ پر سالانہ 90 لاکھ مسافروں کی ا مدورفت کی سہولت موجود ہو گی جسے رفتہ رفتہ بڑھا دیا جائے گا۔ یہ ائیرپورٹ تین مراحل میں مکمل ہو گا پہلا مرحلہ اگلے سال ، دوسرا 2019 میں جبکہ تیسرا 2024 میں مکمل ہو گا جس کے بعد یہاں ا نے والے مسافروں کی تعداد ڈھائی کروڑ تک جا پہنچے گی۔ ائیر پورٹ پر ڈیوٹی فری شاپس، ہوٹل ، کنونشن سنٹر، ائیر مالز، بزنس سنٹرز، فوڈ کورٹس کے ساتھ ساتھ کئی تفریحی سرگرمیاں موجود ہوں گی۔ ۔