اسلام آباد(آن لائن )مسلم لیگ ن نے پاکستان پیپلز پارٹی کی پی ڈی ایم میں واپسی سے متعلق کڑی شرط عائد کرتے ہوئے کہا ہے کہ پیپلزپارٹی پہلے سینیٹ میں اپوزیشن لیڈر سے دستبردار ہو پھر اتحاد میں واپسی ہو سکتی ہے ۔ ذرائع کے مطابق مسلم لیگ (ن ) کی غیر رسمی مشاورتی بیٹھک میں پارٹی رہنماؤں کا بڑا فیصلہ سامنے آیا ہے ۔ ن
لیگ نے یوسف رضا گیلانی کا عہدہ چھوڑنے کی شرط عائد کر دی ۔ ذرائع کے مطابق ن لیگ کے فیصلے کو پی ڈی ایم کے سربراہ کی حمایت بھی حاصل ہے ۔ دو جماعتی فیصلے میں قائد ن لیگ کی رائے شامل نہیں ہے۔ن لیگ کی رائے ہے جہاں سے اتحاد ٹوٹا وہیں سے دوبارہ جوڑا جائے ۔ دوسری جانب سیکرٹری جنرل پیپلز پارٹی سید نیر بخاری نے کہا ہے کہ پی ڈی ایم کی بنیاد رکھنے والی جماعت پیپلز پارٹی کے بغیر ہم خیالوں اور ہمنواؤں کو پی ڈی ایم کا نام استعمال نہیں کرنا چاہیے ۔ اپنے بیان میںانہوںنے کہاکہ پیپلز پارٹی سیاسی جماعت کے طور پر سیاست میں باہمی احترام کی قائل ہے ،ہتک آمیز رویہ ناقابل برداشت ہے ۔ اپنے بیان میں انہوںنے کہاکہ پی ڈی ایم کا نام استعمال کرنے والے عوام دشمن حکمرانوں سے نجات اور حقیقی جمہوریت کی بحالی ایکشن پلان سے فرار حاصل کر رہے ہیں ،آئی ایم ایف تنخواہ دار ملازمین بجٹ میں عوام پرمزید بھاری ٹیکسز میں اضافہ کی تیاری کر رہے ہیں اور دو جماعتی ہم خیال پیپلز پارٹی مخالفت کر رہے ہیں ۔ انہروںنے کہاکہ کمزور ترین بیساکھیوں پر لڑکھڑاتی حکومت کو سہارا دینا مہنگائی بے روزگاری کے سونامی میں ڈوبے عوام کیساتھ دشمنی کے مترادف ہے۔ انہوںنے کہاکہ مسلم لیگ ن اور جے یو آئی دو جماعتی انجمن ستائش باہمی بننے سے جمہوری قوتوں کو نقصان پہنچ رہا ہے ،پاکستان
ڈیموکریٹک الائنس کا قیام چیرمین یپپلز پارٹی بلاول بھٹو کی بصیرت پر مبنی اعزاز ہے۔ انہوںنے کہاکہ مولانا فضل الرحمن بتائیں پی ڈی ایم کی سربراہی دینے والی جمہوری جماعت پیپلز پارٹی پر تنقید کس کو فائدہ پہنچانے کا مشن ہے ۔ انہوںنے کہاکہ شہباز شریف پی پی پی کو عشائیے میں شریک کرتے ہیں اور انکی جماعت کی دوسرے نمبر کی قیادت بدزبانی کرتی ہے ۔ انہوںنے کہاکہ پاکستان پیپلز پارٹی جمہوریت کی مظبوطی اور تسلسل خاطر اپنے پلیٹ فارم سے آئینی معاشی انسانی حقوق کی جدوجہد جاری رکھے گی ۔
