کراچی (این این آئی/مانیٹرنگ ڈیسک )نجی ایئر لائن کی پرواز میں نوجوان جوڑے کی نازیبا حرکات، فضائی عملے اور ایئر لائن نے کوئی کارروائی نہیں کی۔میڈیا رپورٹ کے مطابق کراچی سے اسلام آباد جانے والی نجی ایئر لائن کی پرواز میں نوجوان جوڑا بوس و کنار اور نازیبا حرکات میں مصروف رہا،
جہاز میں موجود فیملیز کی جانب سے شکایت کے باوجود ایئرلائن انتظامیہ اور فضائی عملے نے مذکورہ جوڑے کے خلاف کوئی کارروائی نہیں کی۔ایئر لائن کے عدم تعاون پر جہاز میں سوار دوسرے مسافروں نے سول ایوی ایشن اتھارٹی کو نجی ایئرلائن کے خلاف کارروائی کی درخواست دیدی۔ مسافروں کی درخواست پر سول ایوی ایشن اتھارٹی نے واقعے کی تحقیقات کرنے کا فیصلہ کرلیا ہے۔اس حوالے سےبلال فاروق علوی کا کہنا تھا کہ میں کراچی میں جاب کرتا ہوں ، میں اپنی فیملی کیساتھ مورخہ20مئی 2021کو کراچی سے اسلام آباد کیلئے سفر کر رہے تھے ، ہماری سیٹ نمبر 5 تھی جبکہ ہمارے آگے والی سیٹ 4پر ایک جوڑا تھا جو مسلسل غیر اخلاقی حرکات کرنے میں مصروف تھا جس پر میں نے انہیں منع بھی کیا لیکن وہ باز نہ آیا اس کے بعد میں نے ائیر ہوسٹس کو اس معاملے پر آگاہ کیا جس پر ائیر ہوسٹس نے انہیں وارننگ دی لیکن وہ جوڑا ٹھس سے مس نہ ہوا ، بدستور غیر اخلاقی حرکات میں ملوث رہا ۔ جب دوبارہ ائیر ہوسٹس کا آگاہ کیا تو اس نے بجائے اس کے منع کرتے یا ان کی سیٹ تبدیل کرتے انہیں ایک لحاف لا کر دے دیا جس کے بعد وہ جوڑا غیر اخلاقی حرکات میں مگن رہا ۔ بلال کا کہنا تھا کہ جاتے ہوئے وہ جوڑا ہمیں یہ کہہ کر گیا کہ جناب آپ لوگوں کو کوئی حق نہیں پہنچتا کہ آپ کسی کی پرائیویسی میں بے جا مداخلت کریں ۔بلال نے مزید بتایا کہ میں نے اس حوالے سےتحریر طور پر بھی شکایت کی لیکن اس کا مجھے ابھی تک کوئی مثبت جواب نہیں آیا ۔
