اسلام آباد(آن لائن/این این آئی)اپوزیشن لیڈر قومی اسمبلی میاں شہباز شریف نے سیاسی مشن کے دوران میڈیا کو دور رکھنے کی ہدایت کی ۔ن لیگ نے بڑے سیاسی عشائیہ کی میڈیا کوریج پر پابندی لگا دی۔ذرائع کے مطابق شہبازشریف کی جانب سے دیئے گئے عشائیے کے دوران
لیگی رہنمائوں کو میڈیا سے گفتگونہ کرنے کی ہدایات جاری کی گئیں ۔کون سا مہمان آئے گا کس کا شہباز شریف استقبال کریں گے ،میڈیا کے کیمروں سے اوجھل کروا دیا ۔ دوسری جانب قومی اسمبلی میں قائد حزب اختلاف اور پاکستان مسلم لیگ نواز کے صدر شہباز شریف نے اپوزیشن اتحاد پاکستان ڈیموکریٹک مومنٹ (پی ڈی ایم) میں شامل تمام جماعتوں کو پھر سے متحد کرنے کے لیے سرگرم ہوگئے ہیںاوراپوزیشن رہنمائوں کو عشائیہ دینے کا فیصلہ کیا ہے،عشائیہ 24 مئی شام 7 بجے اسلام آباد میں دیا جائے گا۔ذرائع کے مطابق عشائیے میں سابق صدر آصف علی زرداری، پاکستان پیپلز پارٹی کے چیئرمین بلاول بھٹوزرداری، سربراہ پی ڈیایم مولانا فضل الرحمان، عوامی نیشنل پارٹی اور دیگر جماعتوں کے پارلیمانی رہنمائوں کو شرکت کی دعوت دی گئی ہے۔ذرائع کے مطابق عشائیے میں پی ڈی ایم کی سیاسی حکمت عملی اوردیگر ملکی سیاسی حالات پر مشاورت کی جائے گی۔خیال رہے کہ اس سے قبل پیپلز پارٹی اور عوامی نیشنل پارٹی (اے این پی) نے سیاسی اتحاد پاکستان ڈیموکریٹک مومنٹ سے علیحدگی کا اعلان کیا تھا۔اس سے قبل پی ڈی ایم قیادت نے پیپلز پارٹی اور اے این پی کو نوٹس بھیجا تھا۔
