رحیم یارخان ،لاہور( آن لائن ، این این آئی) رحیم یارخان میں عدالت میں ٹک ٹاک ویڈیو بنا کر وائرل کرنے پر لڑکی کیخلاف مقدمہ درج کرلیا گیا ہے۔پولیس کے مطابق لڑکی کیخلاف مقدمہ تھانہ سٹی اے ڈویژن میں درج کیا گیا،
لڑکی تنسیخ نکاح کے مقد مے میں عدالت آئی تھی۔ پولیس کے مطابق لڑکی نے چھپ کرسول جج فیملی ڈویژن کے کمرہ عدالت کی ویڈیو بنائی، لڑکی نے ویڈیو بنا کرعدالت کا وقار مجروح کیا۔پولیس کا کہنا ہے کہ لڑکی کی گرفتاری کے لیے چھاپے مارے جارہے ہیں ۔دوسری جانب ڈیفنس سی پولیس نے کارروائی کرتے ہوئے سوشل میڈیا ٹک ٹاک پر ناجائز اسلحہ کی تشہیر کرنے والے ملزم مجاہد علی کو گرفتا ر کرلیا ۔ملزم کے قبضہ پسٹل اور گولیاں برآمدکر کے مقدمہ درج کرلیاگیا ۔ملزم نے چند روز قبل ناجائز اسلحہ کے ساتھ ویڈیو بنا کر ٹک ٹاک پر اپ لوڈ کی تھی۔ایس پی کینٹ صاعد عزیزکا کہناہے کہ شو آف ویپن اور ہوائی فائرنگ کے خلاف زیرو ٹالرنس پالیسی پر عمل پیرا ہیں۔
