لاہور (این این آئی)مسلم لیگ (ن )پنجاب کے صدر رانا ثنا ء اللہ نے کہا ہے کہ ترین گروپ ن لیگ سے رابطہ کرے گا تو ضرور جواب دیں گے۔میڈیا سے گفتگو میں رانا ثناء اللہ نے دعویٰ کیا کہ جہانگیرترین تحریک انصاف کے لیے خطرے کا باعث ہو سکتے ہیں، جہانگیر ترین گروپ ابھی نہیں بنا، بہت پہلے سے موجود ہے، گروپ کا اعلان ابھی ہوا،یہ گروپ پی ٹی
آئی کا پریشرگروپ ہے۔ انہوں نے کہاکہ ن لیگ نہیں چاہتی کہ عثمان بزدار کو ہٹا کر خود پاور میں آجائیں،مسلم لیگ ن پنجاب کی اکثریتی جماعت ہے لیکن اس کو تسلیم نہیں کیاگیا،اگرجہانگیر ترین گروپ ہم سے رابطہ کرے گا توہم اس پر ضرور جواب دیں گے۔ رہنما ن لیگ نے کہا کہ ہم حکومت کو وقت دینے یا ان کی مدت پوری کرنے کے حق میں نہیں ہیں۔
