دبئی(نیوزڈیسک)”وہی ہوا جس کا ڈر تھا“، آئی سی سی ذرائع نے محمد حفیظ کے حوالے سے فیصلے کا اعلان کردیا ہے ،محمد حفیظ کا باﺅلنگ ایکشن دوسری بار رپورٹ ہونے کے بعد بھارت میں دوبارہ ٹیسٹ لیاگیا تھا جس کی رپورٹ منفی آنے پر آئی سی نے محمد حفیظ کے باﺅلنگ کرنے پر پر ایک سال کی پابندی لگادی، محمد حفیظ چنائی میں باﺅلنگ ایکشن کلیئر کرنے میں ناکام رہے۔سابق کرکٹرز اور شائقین کرکٹ نے محمد حفیظ پر پابندی لگائے جانے کو غیر منصفانہ قراردیا ہے اور اسے پاکستان کے خلاف مسلسل کارروائیوں کا شاخسانہ قراردیاہے۔ واضح رہے کہ آئی سی سی پر بھارتی بالادستی اور بگ تھری کے منصوبے کی کامیابی کے بعد سے پاکستان کرکٹ مسلسل زیر عتاب ہے۔