بہاولنگر(این این آئی) دنیا بھر میں مزدوروں کا عالمی دن یکم مئی کو منایا جائیگا وفاقی محکموں کے ملازمین اس بار اس چھٹی سے محروم رہیں گے جبکہ صوبائی محکموں کے ملازمین دو چھٹیوں سے لطف اندوز ہونگے کیونکہ یکم مئی بروز ہفتہ ہوگی اس روز وفاقی محکمے پہلے ہی بند ہوتے ہیں جبکہ صوبائی محکموں میں کام ہوتا ہے اس طرح صوبائی محکموں کے ملازمین مذکورہ چھٹی سے لطف اندوز ہونگے۔سندھ حکومت نے بھی یکم مئی کو عام تعطیل کا اعلان کر دیا ہے، پاکستان سمیت دنیا بھر میں مزدوروں کا عالمی دن یکم مئی کو منایا جائے گا س دن کی
مناسبت سے جہانیاں سمیت ملک بھر میں کورونا ایس او پیز کے مطابق مختلف تقریبات کا اہتمام کیا جائے گا جس سے مزدور رہنماؤں کے علاوہ وفاقی وزراء اور اپوزیشن رہنما خطاب کریں گے۔محنت کشوں کے عالمی دن کے حوالے سے ریڈیو اور ٹیلی ویژن کے ذریعے خصوصی پروگرام پیش کیے جائیں گے، ملک بھر کے اخبارات رنگین ایڈیشن شائع کریں گے۔واضح رہے کہ مزدوروں کا یہ عالمی دن شکاگو میں اپنے حقوق کے حصول کی خاطر جانوں کی قربانی دینے والے مزدوروں کی یاد میں منایا جاتا ہے۔
