بھکر۔۔۔۔۔ پنجاب اسمبلی کے حلقے پی پی 48 میں ضمنی انتخاب کے لئے پولنگ کا عمل جاری ہے۔
ایکسپریس نیوز کے مطابق پی پی 48 بھکر میں پولنگ کا عمل صبح 8 بجے شروع ہوا جو شام 5 بجے تک جاری رہے گا۔ پی پی 48 بھکر میں رجسٹرڈ ووٹر کی تعداد ایک لاکھ 52 ہزار ہے جن میں 85 ہزار 996 مرد ووٹرز جب کہ خواتین ووٹرز کی تعداد 66 ہزار سے زائد ہے، ووٹنگ کے لئے حلقے میں 144 پولنگ اسٹیشنز قائم کئے گئے ہیں جن میں سے 14 کو حساس قرار دیا گیا ہے۔ کسی بھی ناخوشگوار واقعے سے نمٹنے کے لئے سیکیورٹی کے بھی انتہائی سخت انتظامات کئے گئے ہیں اور 13 سو سے زائد پولیس اہلکاروں کو تعنیات کیا گیا ہے جب کہ ریجنرز کے اہلکار بھی گشت پر ہوں گے۔پی پی بھکر 48 میں ضمنی انتخاب کے لئے مجموعی طور پر 7 امیدوار میدان میں ہیں جن میں سے 3 امیدواروں کے درمیان سخت مقابلے کی توقع ہے۔ نزر عباس کہاوڑ پاکستان عوامی تحریک کی جانب سے انتخاب لڑ رہے ہیں جب کہ تحریک انصاف کے چیرمین عمران خان کے کزن انعام اللہ خان نیازی اور احمد نواز نوانی آزاد امیدوار ہیں۔
واضح رہے کہ پی پی بھکر 48 کی نشست رواں برس اکتوبر میں پاکستان مسلم لیگ (ن) کے امیدوار نجیب اللہ نیازی کے انتقال کے بعد خالی ہوئی تھی۔