کارڈف(نیوز ڈیسک)انگلینڈ اور آسٹریلیا کے درمیان جاری 5ٹیسٹ میچوں پر مشتمل سیریز کا پہلا ٹیسٹ صوفیہ گارڈنز، کارڈف میں کھیلا جارہا ہے۔ آج میچ کے دوسرے روز کھیل کے اختتام تک کینگروز نے اپنی پہلی اننگ میں 5وکٹوں پر 264رنز اسکور کر لیے ہیں، جبکہ انگلش ٹیم کے بالرز میں سے معین علی کامیاب بالر رہے، انہوں نے 2وکٹیں حاصل کیں۔ اس سے پہلے انگلش ٹیم نے اپنی پہلی اننگ 343رنز 7وکٹوں پر آج دوبارہ شروع کی، تو ان کی پوری ٹیم 430رنز کے اسکور پر آﺅٹ ہوگئی، آج اسکور کو 430رنز تک پہنچانے میں معین علی کے 77رنز نے اہم کردار ادا کیا اور انگلش ٹیم کو ایک اچھی پوزیشن پر پہنچا دیا، تاہم کینگروز کی جانب سے مچل اسٹارک 5وکٹیں حاصل کر سکے۔