منگل‬‮ ، 18 جون‬‮ 2024 

تاجی کھوکھر کے انتقال کے 5دن بعد حاجی نواز کھوکھربھی انتقال کر گئے

datetime 10  جنوری‬‮  2021
ہمارا واٹس ایپ چینل جوائن کریں

اسلام آباد،لاہور(مانیٹرنگ ڈیسک، این این آئی)تاجی کھوکھر کے بڑے بھائی اورسینیٹر مصطفی نواز کھوکھر کے والدسابق ڈپٹی سپیکر قومی اسمبلی حاجی نواز کھوکھر انتقال کر گئے، اہل خانہ کے مطابق حاجی نواز کھوکھر کچھ عرصے سے علالت کے باعث ہسپتال میں

زیر علاج تھے جہاں وہ آج دم توڑ گئے ۔یاد رہے کہ 5جنوری کو ان کے چھوٹے بھائی امتیاز علی کھوکھر عرف تاجی کھوکھر بھی طویل علالت کے بعد انتقال کر گئے تھے ۔دریں اثنا پاکستان پیپلز پارٹی کے چیئرمین بلاول بھٹواور پیپلز پارٹی پارلیمنٹرینز کے سربراہ آصف علی زرداری نے سابق وفاقی وزیر حاجی نواز کھوکھر کے انتقال پر گہرے دکھ و افسوس کا اظہار کیا ہے ۔ اپنے تعزیتی بیانات میں انہوں نے کہا کہ حاجی نواز کھوکھر کے انتقال پر نہایت افسردہ ہیں،مرحوم وضعدار و معتدل مزاج شخصیت کے مالک اور بہترین انسان تھے،ان کا انتقال پارٹی کے لئے بڑا نقصان ہے، ان کی ملک و قوم کے لیے خدمات ناقابلِ فراموش ہیں۔ انہوں نے کہا کہ کھوکھر خاندان کے غم میں پارٹی قیادت اور کارکن ساتھ ہیں، اللہ تعالیٰ مرحوم کی مغفرت کرے اور لواحقین کو صبر جمیل دے۔علاوہ ازیں نائب صدر پیپلز پارٹی سینیٹر شیری رحمان نے سینیٹر مصطفی نواز کھوکھر کے والد حاجی نواز کھوکھر کے انتقال پر اظہار افسوس کیا ہے ۔ اپنے بیان میں سینیٹر

مصطفی نواز کھوکھر اور خاندان سے اظہار تعزیت کیا ۔ شیری رحمن نے کہاکہ اللہ تعالی مرحوم کو جنت الفردوس میں بلند درجات عطا فرمائے، آمین۔ شیری رحمن نے کہاکہ مصطفی نواز کھوکھر کے دکھ میں برابر کے شریک ہیں، اللہ تعالیٰ سینیٹر مصطفی نواز کھوکھر اور

سوگوار خاندان کو صبر جمیل عطا فرمائے، دریں اثنا پاکستان پیپلز پارٹی کی سیکرٹری فنانس رخسانہ بنگش نے پی پی پی رہنما سابق ڈپٹی سپیکر حاجی نواز کھوکھر کے انتقال پر افسوس کا اظہار کیا ہے ۔ اپنے بیان میں انہوںنے کہاکہ حاجی نواز کھوکھر مرحوم کے انتقال سے پارٹی

دیرینہ راہنما سے محروم ہو گئی ہے،رخسانہ بنگش کا سینٹر مصطفی،نواز کھوکھر افضل کھوکھر اور غمزدہ خاندان سے اظہار تعزیت کیا ،رخسانہ بنگش نے حاجی نواز کھوکھر کی مغفرت اور لواحقین کیلئے صبر جمیل عطا کی دعا ء کی

موضوعات:



کالم



صدقہ‘ عاجزی اور رحم


عطاء اللہ شاہ بخاریؒ برصغیر پاک و ہند کے نامور…

شرطوں کی نذر ہوتے بچے

شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…