بدین(این این آئی)سات سال قبل بدین سے لاپتہ ہونے والے رینجرز کے ریٹائرڈ حوالدار کا کراچی سینٹر جیل میں قید ہونے کا انکشاف ہواہے،قیدی کی بیمارو ضعیف ماں اوربیوی بچوں نے فوری رہائی کی اپیل ہے۔تفصیلات کے مطابق بدین شہر کے محلہ ملوک شاہ کے رہائشی رینجرز کے ریٹائرڈ حولدار سکندر ولد علی محمد انڑ سات سال قبل بدین سے لاپتہ ہو گیاتھا۔سکندر انڑ کی ضعیف العمر بیمار والدہ،بیوی بچوں اور بھائی نے
سکندر کی بازیابی کے لئے کئی بار احتجاج اعلی سول اور فوجی حکام سے اپیلیں کرنے کے علاوہ میڈیا میں بھی سکندر کے لاپتہ ہونے کی نشاندہی کی تھی۔چند روز قبل کسی زرائع سے سکندر کی کراچی سینٹر جیل میں قید ہونے کی اطلاع پر سکندر کے گھر میں خوشی کی لہر ڈوڑ گئی اور سکندر کے بھائی رجب انڑ نے کراچی سینٹر جیل پہنچ کر قید بھائی سے ملاقات بھی کی۔سکندر انڑ کے چھوٹے بھائی اور مقامی الیکٹریشن رجب انڑ نے بھائی کے کراچی جیل میں قید کی تصدیق کرتے ہوئے بتایا کہ بھائی نے بتایا کہ اس کو پندرہ روز قبل جیل میں قید کیا گیا اس سے قبل سات سال وہ کہاں اور کس مقام پر تھا کوئی پتا نہیں سکندر کے بھائی رجب نے بتایا کہ جیل حکام نے مقدمہ اور کس کیس میں سکندر کو قید کیا ہے تفصیل نہیں دے اور کچھ بتانے کو تیار نہیں،سکندر کی بیمار ضعیف والدہ بیوی اور بھائی نے تمام سول اور فوجی اعلی حکام، چیف جسٹس اف پاکستان اور چیف جسٹس سندھ نے اپیل کی ہے کہ سات سال سے لاپتہ بھائی کا جیل میں قید سے رہائی کے لئے اقدام کئے جائیں انہوں وکلا سے بھی بھائی کی ضمانت اور قانونی مدد کی اپیل کرتے ہوئے کہاکہ وہ غریب ہیں ان کے پاس کراچی آنے جانے وکلا اور ضمانت کی فیس اور اخراجات کے لئے بھی رقم اور وسائل دستیاب نہیں ہیں۔ سات سال قبل بدین سے لاپتہ ہونے والے رینجرز کے ریٹائرڈ حوالدار کا کراچی سینٹر جیل میں قید ہونے کا انکشاف ہواہے،قیدی کی بیمارو ضعیف ماں اوربیوی بچوں نے فوری رہائی کی اپیل ہے۔
