کراچی (مانیٹرنگ ڈیسک) کراچی میں پی آئی اے کے طیارے کو حادثے کی ابتدائی تحقیقات میں ائیر ٹریفک کنٹرولر کی مبینہ غفلت بھی سامنے آ گئی۔ ایک نجی ٹی وی چینل کے ذرائع کا کہنا ہے کہ تحقیقاتی ٹیم نے ڈیوٹی پرموجود ائیرٹریفک کنٹرولر کو بھی شامل تفتیش کرلیا ہے، تحقیقاتی ذرائع کے مطابق دوران پرواز اپروچ کے وقت ائیر ٹریفک کنٹرولر کو
’’آربٹ‘‘ دینا چاہیے تھا، لینڈنگ سے قبل چیک گیئرز ان لاک کے عمل کو ہر صورت ممکن بنانا تھا۔ ذرائع کے مطابق ائیر ٹریفک کنٹرولرکے فرائض میں کپتان کو لینڈنگ گیئر ڈاؤن ہونے سے متعلق بتانا بھی ہوتا ہے، نجی ٹی وی چینل کی رپورٹ کے مطابق لینڈنگ کلیئرنس سے قبل لینڈنگ گیئرکا اہم ترین عمل ائیر ٹریفک کنٹرولرکی ذمہ داری ہے۔
