بینکاک(این این آئی)نوول کورونا وائرس سے بچاؤ کیلئے نومولود بچوں کے چہرے پلاسٹک فیس شیلڈ سے ڈھکنے کا انتظام کر لیا گیا ہے۔برطانوی میڈیا کے مطابق تھائی لینڈ کے اسپتالوں میں نومولود بچوں کو کورونا سے بچانے کے لیے ان کے چہروں کو پلاسٹک فیس شیلڈ سے ڈھانپا جا رہا ہے۔تھائی لینڈ کے ایک ہسپتال سے شیئر کی جانے والی تصویر میں دیکھا گیاکہ نرسوں نے پیدا ہونے والے بچوں کے چہرے پلاسٹک شیلڈ سے ڈھک دیئے ہیں تاکہ یہ

جراثیم سے بچ سکیں۔اس متعلق ہسپتال انتظامیہ کا کہنا ہے کہ ہم پیدا ہونے والے بچوں کا خاص خیال رکھنے کے لیے اس اقدام کو فروغ دے رہے ہیں تاکہ وہ عالمگیر وبا کے جراثیم سے محفوظ رہ سکیں۔کورونا وائرس سے متعلق طبی ماہرین کے مطابق یہ بڑی عمر کے افراد کے علاوہ چھوٹی عمر کے بچے بھی متاثر ہو رہے ہیں۔ دو اپریل کو دنیا بھر میں کورونا وائرس سے پہلے نومولود بچے کی ہلاکت سامنے آئی تھی جو امریکا سے رپورٹ ہوئی تھی۔