پیانگ یانگ(نیوز ڈیسک) دنیا میں کورونا کی وبا کے باوجود شمالی کوریا نے جنگی تیاری تیزکردیں، شمالی کوریا نے شارٹ رینج کے دو میزائلوں کے تجربے کیے ۔غیر ملکی خبر رساں ادارے کے مطابق دنیا بھر میں کورونا وائرس کی وبا کے باوجود شمالی کوریا کی جانب سے میزائل تجربے کیے گئے ہیں۔جنوبی کوریا کے عسکری حکام نے کہا کہ شمالی کوریا نے شارٹ رینج کے دو میزائلوں کے

تجربے کیے جو شمالی ساحل کی طرف داغے گئے۔جنوبی کوریا کے چیئرمین جوائنٹ چیف نے دعوی کیا کہ دونوں میزائل شمالی کوریا کے شمالی صوبے میں داغے گئے جو چین کے بارڈر کی طرف ہے۔شمالی کوریا نے رواں ماہ کے آغاز میں بھی دو شارٹ رینج میزائلوں کے تجربے کیے تھے۔جاپانی کوسٹ گارڈ کے حکام نے تصدیق کی کہ شمالی کوریا نے میزائل فائر کیے جو جاپان کے اکنامک زون کے باہر کی طرف گرے۔