تہران (این این آئی)ایرانی پاسداران انقلاب کا ایک اور جنرل ناصر شعبانی کرونا وائرس کا شکار ہو گیا ہے۔ میجر جنرل ناصر شعبانی یمن کے حوثی باغیوں کو تیل بردار خلیجی جہازوں پر حملوں اکسانے میں شہرت حاصل کر چکے ہیں۔ انہوں نے حوثی باغیوں کو سعودی عرب کے تیل بردار جہازوں پر حملوں اور سعودی عرب پر میزائلوں اور ڈرون طیاروں سے حملوں کی ترغیب دی تھی۔میڈیارپورٹس کے مطابق جنرل شعبانی مختلف شعبوں اور علاقوں میں پاسدارن انقلاب میں 37 سال سے

فرائض انجام دے رہے ہیں ایرانی دارالحکومت تہران کی سیکیورٹی کے ذمہ دارثاراللہ فوجی اڈے کی نگرانی انہی کے پاس تھی۔ان کی ذمہ داریوں کا آغاز صوبہ مازندران کے امول میں پاسداران انقلاب کے ایک کمانڈر کے طورپر ہوا۔ اس کے بعد انہوں نے سنہ 1981 میں ایرانی کمیونسٹ تنظیموں کے خلاف کریک ڈائون کی قیادت کی۔ یہ گروپ امول غلبہ حاصل کرنے کی کوشش کر رہے تھے۔ یہ خونی جنگ ایرانی کمیونسٹ یونینکے عسکریت پسندوں کی شکست پر ختم ہوئی۔