سرینگر (این این آئی) مقبوضہ کشمیرپیپلز ڈیموکریٹک پارٹی نے مقبوضہ علاقے کے منتخب دورے کے دوران غیر ملکی سفارتکاروں کے وفد سے ملاقات کرنے پر آٹھ پارٹی لیڈروں کو پارٹی سے برطرف کردیا ہے۔کشمیرمیڈیاسروس کے مطابق پی ڈی پی کے ارکان جنہیں پارٹی سے نکالا گیا ہے میں دلاور میر، رفیع احمد میر، ظفر اکبر منہاس، قمر حسین، راجہ منظور، جاوید بیگ،
عبدالمجید پڈرو اور عبدالرحیم راتھر شامل ہیں۔ پارٹی نے اپنے ٹویٹر اکاؤنٹ پر جاری ایک بیان میں کہاہے کہ نکالے گئے رہنماء ان مذاکرات میں شامل ہوئے تھے جو ریاست کے مفادات، پارٹی موقف اوربنیادی نظریے کے خلاف تھے۔بیان میں کہاگیا ہے کہ پارٹی کی انضباطی کمیٹی نے نے ان تمام لیڈروں کی پارٹی کی بنیادی رکنیت ختم کرنے کی سفارش کی تھی۔
