اسلام آباد (این این آئی)وفاقی وزیر مواصلات و پوسٹل سروسزمراد سعید نے بلاول بھٹو کی تقریر پر ردعمل کا اظہار کر تے ہوئے کہا ہے کہ حادثاتی چیئرمین اپنے والد کی لوٹ مار کا جواب دینے کی بجائے اوٹ پٹانگ تقریریں کررہے ہیں، جب پاپا گرفتار ہوتے ہیں تو تھوڑا دکھ ہوتا ہے،

جب پھوپھی گرفتار ہوتی تو زیادہ دکھ ہوتا ہے اور جب جعلسازی والی گرفتار ہو تو شدید ترین دکھ ہوتا ہے۔جمعرات کو ایک بیان میں وفاقی وزیر مواصلات مراد سعید نے کہا کہ حادثاتی چیئرمین اپنے والد کی لوٹ مار کا جواب دینے کی بجائے اوٹ پٹانگ تقریریں کررہے ہیں۔انہوں نے کہا کہ جب پاپا گرفتار ہوتے ہیں تو تھوڑا دکھ ہوتا ہے، جب پھوپھی گرفتار ہوتی تو زیادہ دکھ ہوتا ہے اور جب جعلسازی والی گرفتار ہو تو شدید ترین دکھ ہوتا ہے۔انہوں نے کہا کہ حادثاتی چیئرمین کو علم ہونا چاہئیے کہ نئے پاکستان میں کرپشن اور لوٹ مار ناقابل معافی جرم ہے۔انہوں نے کہا کہ یہ بات آپکو سمجھنے ہوگی لوٹ مار پر سزا ہوتی ہے اور زیادہ لوٹ مار پر زیادہ سزا ہوتی ہے۔وفاقی وزیر نے کہا کہ حادثاتی چیئرمین جان لیں والد کرپشن کرے تو بھی سزا ملتی ہے، پھوپھو کرپشن میں ملوث ہو تو بھی جوٹاب طلبی ہوتی ہے۔انہوں نے کہا کہ حادثاتی چیئرمین حکومت کی کارکردگی کے تجزیے بعد میں کریں پہلے اپنی ٹی ٹیوں کا جواب دیں۔انہوں نے کہا کہ اس طرح کی تقریروں سے قوم جھانسے میں آئے گی نہ ہی احتساب سے جان چھوٹ پائے گی۔