برلن (آن لائن) مسلم لیگ ق کے سربراہ چوہدری شجاعت حسین کی حالت سخت تشویشناک ہے،ذرائع کا کہنا ہے کہ ق لیگ کے سربراہ جرمنی میں زیر علاج ہیں جہاں ان کی حالت سخت تشویشناک ہے۔ سوشل میڈیا پر بعض صارفین کی جانب سے چوہدری شجاعت حسین کے انتقال کا دعویٰ کیا جارہا تھا لیکن خاندانی ذرائع نے ان خبروں کی تردید کردی ہے اور کہا ہے کہ
ان کی حالت میں بہتری آرہی ہے۔خیال رہے کہ چوہدری شجاعت حسین کو جرمنی میں انتہائی تشویشناک حالت میں آئی سی یو میں رکھا گیا ہے جہاں خاندان کے افراد اور دوست احباب ان کی تیمار داری کیلئے موجود ہیں۔مونس الہیٰ نے ایک روز قبل ایک ویب سائٹ سے گفتگو کرتے ہوئے امید ظاہر کی تھی کہ ق لیگ کے سربراہ کو جلد ہی جنرل وارڈ میں منتقل کردیا جائے گا۔
