پٹنہ (مانیٹرنگ ڈیسک) مودی کی طرح بھارتی اسلحہ بھی کھوکھلا نکلا، ایک نجی ٹی وی چینل نے رپورٹ دی ہے کہ بھارت کی ریاست بہار کے تین مرتبہ وزیراعلیٰ رہنے والے جگن ناتھ مشرا کی آخری رسومات کے دوران پولیس کی بندوقوں سے سلامی پیش کی گئی

لیکن اس موقع پر 22 بندوقوں میں سے ایک بندوق بھی نہ چلی، اس وقت پولیس اہلکاروں کو شدید شرمندگی کا سامنا کرنا پڑا جب ارتھی کو سلامی دینے والے پولیس اہلکاروں کی کسی ایک بھی رائفل سے گولی نہ چل سکی۔ بھارتی پولیس کی ایک بھی بندوق نہ چل سکی تمام فائر مس ہو گئے۔ کوئی بھی بندوق نہ چلنے پر بھارتی پولیس کے لیے شرمناک صورتحال پیدا ہو گئی۔ واضح رہے کہ ریاست بہار کے ضلع سپال کے ہیڈ کوارٹر میں جگن ناتھ مشرا کو گن سلیوٹ پیش کرنے کے موقع پر موجودہ ریاستی وزیر اعلیٰ نتیش کمار اور نائب وزیر اعلیٰ سشیل کمار مودی، اہم سیاسی رہنما اور پولیس کے اعلیٰ افسران کے ساتھ ساتھ عام لوگوں کی بڑی تعداد موجود تھی۔ واضح رہے کہ بائیس پولیس اہلکاروں نے بیک وقت فائر کئے لیکن ایک بھی گولی نہ چلی اس کی ویڈیو سوشل میڈیا پر وائرل ہو گئی۔ اہلکاروں نے بار بار ٹریگر دبائے لیکن فائر نہ ہو سکا۔ اس طرح بھارتی پولیس کو جگ ہنسائی کا سامنا کرنا پڑا۔ واضح رہے کہ بائیس پولیس اہلکاروں نے بیک وقت فائر کئے لیکن ایک بھی گولی نہ چلی اس کی ویڈیو سوشل میڈیا پر وائرل ہو گئی۔ اہلکاروں نے بار بار ٹریگر دبائے لیکن فائر نہ ہو سکا۔ اس طرح بھارتی پولیس کو جگ ہنسائی کا سامنا کرنا پڑا۔