لاہور(این این آئی) فیڈرل بورڈ آف ریو نیو نے جولائی 2019کے فیڈرل ڈیوٹی اور سیلز ٹیکس گوشوارے جمع کرانے کی تاریخ میں توسیع کردی۔ نوٹیفکیشن جولائی 2019کے سیلز ٹیکس گوشوارے جمع کرانے کی آخری تاریخ 18سے بڑھا کر 23اگست کردی گئی ہے۔ فیڈرل بورڈ آف ریو نیو نے سیلز ٹیکس فراڈ میں ملوث غیر رجسٹرڈ کاروباری افراد کو پکڑنے کیلئے عوام سے مدد مانگ لی۔ایف بی آڑ نے سیلز ٹیکس نیٹ میں رجسٹریشن کے بغیر سیلز ٹیکس وصولی

کی شکایت پر سرکلر جاری کردیا ہے جس کے مطابق صرف سیلز ٹیکس رجسٹریشن رکھنے والا کاروباری فرد ہی سیلز ٹیکس وصولی کرسکتا ہے۔ایسی رسید جس پر سیلز ٹیکس نمبر کا اندراج نہ ہو عوام وہاں سیلز ٹیکس ادانہ کریں۔این ٹی این نمبر،سیلز ٹیکس رجسٹرڈ نمبر کا متبادل نہیں ہے۔عوام غیر رجسٹرڈ ہونے کے باوجود سیلز ٹیکس لینے والے کاروباری افراد کی نشاندہی کریں۔شہری ایف بی آر کی قائم کردہ ہیلپ لائن 111772772 پر مطلع کرسکتے ہیں۔