اسلام آباد(آن لائن) انسانی حقوق کی تنظیم ایمنسٹی انٹرنیشنل نے کشمیر کی صورتحال پر نوٹس لے لیا، ایمنسٹی انٹرنیشنل نے کہا کہ یکطرفہ بھارتی فیصلے سے صورتحال مزید کشیدہ ہوگی،مقبوضہ کشمیر میں لوگوں کی مرضی کے بغیر فیصلے کیے جا رہے ہیں، بھارتی فیصلے نے کشمیری لوگوں کو کنارے پر لا کھڑا کیا ہے۔ میڈیا رپورٹس کے مطابق انسانی حقوق کی تنظیم ایمنسٹی انٹرنیشنل نے کشمیر کی صورتحال پر
نوٹس لیتے ہوئے بھارت کو باور کروایا ہے کہ شہری آزادی اور ذرائع مواصلات پر پابندی سے صورتحال خراب ہوگی۔انہوں نے کہا کہ مقبوضہ کشمیر میں لوگوں کی مرضی کے بغیر فیصلے کیے جا رہے ہیں، بھارتی فیصلے نے کشمیری لوگوں کو کنارے پر لا کھڑا کیا ہے۔ بھارت کی غیرقانونی حرکت خطے کا امن برباد کرے گی۔بھارت کی حرکت سے دوہمسایہ ایٹمی ممالک کے درمیان تعلقات مزید خراب ہوجائیں گے۔
