لاہور(این این آئی) نجی بنک کے ریکوری ایجنٹس کے مبینہ تشدد سے 32 سالہ شہری جاں بحق ہوگیا۔ کامران کے لواحقین کے مطابق نجی بینک کے ملازمین گاڑی اور بھائی کامران کو گھر سے اٹھا کر لے گئے۔ لواحقین نے الزام عائد کیا کہ تین گھنٹے کے بعد تشدد کر کے چھوڑ دیا،دوران تشدد کامران کو دل کا دورہ پڑا،نجی بینک کے ملازموں نے اوبر کروا
کر کامران کو گھر کے پتے پر بھجوا دیا، گھر پہنچتے ہی کامران کو دوسرا دل کا دورا پڑا اور اس کی موت واقع ہو گئی۔ کامران کے لواحقین نے تھانہ شادباغ میں نجی بینک کے ملازمین کے خلاف اندراج مقدمہ کے لئے درخواست جمع کروا دی۔ بتایا گیا ہے کہ متوفی کامران کی گاڑی کی 38 ہزار کی قسطیں باقی تھیں۔ کامران ایک بچے کا باپ تھا۔
