لاہور(اے این این)پاکستان مسلم لیگ (ن) کی رکن پنجاب اسمبلی رابعہ فاروقی نے کہا ہے کہ اب ہر سال 25جولائی سے یکم اگست تک ہفتہ سیاہ منایا جائے گا، 25جولائی2018 کو عوام کو مینڈیٹ چوری ہوااور یکم اگست2019کو چیئر مین سینٹ کو سیاہ طریقہ سے تحفظ دیا گیا ، صادق سنجرانی کو بچانے کے لئے جو طریقہ اختیار کیا گیا ہے اس کی مذمت کرتے ہیں ، حکمران اپنے مقاصد کے لئے ہر و ہ کام کررہے ہیں جو قابل مذمت ہے ، عمران نیازی بیس سال تک جلسوں میں کہتے رہے کہ ہم کسی جماعت
کے امیدوار یا رکن پارلیمنٹ کو اپنے ساتھ نہیں ملائیں گے اور ملک میں اصلی جمہوریت لائیں گے ، انہوں نے کہاکہ عوام عمران نیازی سے پوچھ رہے ہیں کہ یہ اصلی جمہوریت ہے، کیا وہ اس تبدیلی لانے کے لئے بیس سال تک جدوجہد کرتے رہے ، کیا یہ تبدیلی ہے کہ اپوزیشن میں دراڑ ڈالی جائے ، عمران نیازی سن لیں اپوزیشن متحد ہے اور عوام نے اپنی سیاہ سیاست کو مستر کردیا ہے اور اب ہر سال 25جولائی سے یکم اگست تک ہفتہ سیاہ منایا جائے گا اور حکمرانوں کے غیر جمہوری طرز عمل کی مخالفت کی جائے گی ۔
