گوجرانوالہ (این این آئی) گوجرانوالہ کی سیشن عدالت نے ریاستی ادارے کے سربراہ پر الزام عائد کر نے پر میرحاصل بزنجو کو نوٹس جاری کرتے ہوئے طلب کرلیا۔وکیل غلام قادربھنڈر نے قومی اداروں کے خلاف بیان بازی پر حاصل بزنجو کے خلاف عدالت میں پٹیشن دائر کی جس میں سی پی او گوجرانوالہ اور ایس ایچ او سول
کو بھی فریق بنایا گیا۔پٹیشن میں کہا گیا کہ حاصل بزنجو نے سینیٹ الیکشن ہارنے پر قومی ادارے کے سربراہ کے خلاف بیان دیا اس پر سی پی او گوجرانوالہ حاصل بزنجو کے خلاف مقدمہ درج کریں۔سیشن جج گوجرانوالہ راؤ جبار نے میر حاصل بزنجو کے نوٹس جاری کرتے ہوئے ذاتی حیثیت میں طلب کرلیا۔
