لاہور30(نیوزڈیسک) جولائی وزیراعلیٰ پنجاب سردار عثمان بزدارنے راولپنڈی کے علاقے میں آرمی ایوی ایشن کے تربیتی طیار ے کے حادثے کے نتیجے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ نے افسوسناک حادثے میں شہید ہونے والے فوجی افسروں،
جوانوں اور شہریوں کے اہلخانہ سے دلی ہمدردی اور تعزیت کا اظہار کیا ہے۔ وزیراعلیٰ نے انتظامیہ کو ہدایت کی ہے کہ حادثے میں زخمی ہونے والے افراد کو علاج معالجہ کی بہترین سہولتیں مہیا کی جائیں اور انتظامی افسران زخمیوں کوطبی سہولتوں کی فراہمی کی خود نگرانی کریں۔ انہوں نے کہا کہ ہماری تمام ترہمدردیاں شہداء کے لواحقین اور زخمیوں کے ساتھ ہیں اور دکھ کی گھڑی میں سوگوارخاندانوں کے ساتھ کھڑے ہیں۔
