اسلام آباد (این این آئی)وفاقی وزیر سائنس و ٹیکنالوجی فواد چودھری نے کہا ہے کہ حکومت نے ایک سال مکمل کر لیا ہے، خوشی کی بات ہے کہ اس ایک سال کے دوران حکومت کا کوئی بڑا سکینڈل سامنے نہیں آیا جو ہماری بہت بڑی کامیابی ہے۔
ایک انٹرویومیں کرتار پور راہدری بھی حکومت کی کامیابی ہے۔دوسرا سال یقینی طور پر بہتر ہو گا۔نجی ٹی وی کے مطابق وفاقی کابینہ کے اجلاس میں وفاقی وزیر شفقت محمود نے سینسر شپ کا معاملہ اْٹھایا، وزیراعظم عمران خان نے کہا یہ بالکل غلط بات ہے جس نے ایسا کیا وہ غلط کیا ہے، ہمیں بھی پتہ ہے سینسر شپ کا نقصان ہوتا ہے لیکن لوگوں کی پگڑیاں اچھالنے کی اجازت نہیں ہونی چاہیے۔فواد چودھری نے نجی ٹی وی کو بتایا کہ وزیراعظم نے ریلی روکنے، سیاسی مقدمات درج کرنے پر ناپسندیدگی کا اظہار کیا ہے۔ عمران خان نے کہا ہم سیاست دان ہے، کسی بھی صورت میں ریلیاں، جلوسوں کو نہیں روکنا چاہیے۔ خان صاحب کی پالیسی پروڈیموکریسی ہے۔ حکومت کی سمت صیح ہے، حالات بہتر ہوں گے۔وفاقی وزیر سائنس و ٹیکنالوجی نے کہا کہ اپوزیشن کی خواہش اپنے کیسزحل کرانا ہے ریفارمز نہیں، یہ سب اپنے کیسز سے جان چھڑانا چاہتے ہیں۔ انہوں نے کہاکہ نوازشریف، زرداری نے بیرون ملک دوروں پر اربوں روپے لگائے، دوروں میں کیے جانے والے اضافی اخراجات وصول کریں گے۔ اضافی اخراجات کے حوالے سے نوٹسز دیئے جائیں گے۔
