اسلام آباد (مانیٹرنگ ڈیسک) تحریک انصاف کے رہنما فواد چوہدری نے اپنے ٹوئٹر پیغام میں کہا کہ پچیس جولائی تحریک انصاف کی فتح کا دن ہے، آج کے دن عوام نے مافیا کو تاریخی شکست دی، پاکستان میں جمہوریت جیتی اور نیا سفر شروع ہوا، راہ گزر کانٹوں سے پُر اور سنگلاخ لیکن
منزل ترقی کرتا پاکستان۔ انہوں نے اپنے ٹوئٹ میں مزید کہا کہ اس سفر میں ہم سب کو ایک دوسرے کا ساتھ دینا ہے۔ واضح رہے کہ تحریک انصاف پچیس جولائی کو یوم تشکر کے طور پر منا رہی ہے جبکہ دوسری جانب اپوزیشن پچیس جولائی کے دن کو یوم سیاہ کے طور پر منارہی ہے۔
