لاہور(این این آئی)برطانوی اخبار ”ڈیلی میل“شائع ہونے پر خبر کے خلاف قانونی چارہ جوئی کیلئے مسلم لیگ (ن) ک صدر محمدشہباز شریف کے وکلا ء لندن پہنچ گئے۔ ذرائع کے مطابق شہباز شریف کے وکلا (آج) لندن میں باضابطہ مشاورتی اجلاس منعقد کریں گے۔جس میں برطانوی اخبار ڈیلی میل میں شائع ہونے
والی خبر کے خلاف برطانوی عدالت میں مقدمہ دائر کرنے کے حوالے سے حکمت عملی مرتب کی جائے گی۔نامور قانون دان سلمان بٹ وکلا ء کی ٹیم کی قیادت کریں گے۔وکلا ء برطانوی قانون کے مطابق متعلقہ عدالت میں ہتک عزت اور ساکھ کو نقصان پہنچانے کے حوالے سے مقدمہ کی دستاویزات تیار کریں گے۔
