کراچی(سی پی پی)آئی جی سندھ کلیم امام کی ہدایت پر پیپلز پارٹی کے کئی ارکان قومی و صوبائی اسمبلی سمیت متعدد اہم شخصیات سے سکیورٹی واپس لے لی گئی۔حکومتی، سیاسی اور دیگر شخصیات کیسیکیورٹی پر پولیس ہیڈ کوارٹر سے اہلکار تعینات تھے جنہیں آئی جی سندھ کی ہدایت پر واپس ہیڈ کوارٹر طلب کر لیا گیا ہے۔ میڈیا رپورٹس کے مطابق پیپلز پارٹی کے جن اراکین سے اضافی سکیورٹی واپس لی گئی ہے ان میں وزیر بلدیات سندھ سعید غنی

اور صوبائی وزیر شہلا رضا بھی شامل ہیں۔ذرائع کا بتانا ہے کہ دونوں وزرا کو دی گئی اضافی پولیس موبائلز کو ہیڈ کوارٹر طلب کر لیا گیا ہے۔ذرائع کا کہنا ہے کہ دونوں وزرا کی زندگیوں کو درپیش خطرات کے پیش نظر خصوصی خط جاری کیا گیا تھا اور وزیراعلیٰ سندھ کے حکم پر ان شخصیات کو اضافی سکیورٹی فراہم کی گئی تھی۔ذرائع کے مطابق پیپلز پارٹی کے رکن قومی اسمبلی آغا رفیع اللہ سے بھی سیکیورٹی واپس لے لی گئی ہے۔