اسلام آباد(مانیٹرنگ ڈیسک)سینئر صحافی و تجزیہ کار عارف حمید بھٹی نے نجی ٹی وی پروگرام میں گفتگو کرتے ہوئے کہا کہ آنے والے دنوں میں مریم نواز کا میڈیا سیل ایک اور اہم شخصیت کی کردار کشی کرنے والا ہے۔ معاملے پر حکومتی کردار بھی مشکوک ہے۔ ویڈیو ریکارڈ اور ٹیمپر کرنے والوں کو معاف کر دیا گیا تو صحیح نہیں ہو گا کیونکہ اگر دیکھا جائے تو ماضی میں بھی یہی ہوتا آیا ہے۔ پہلے انہوں نے سپریم کورٹ
پر حملہ کیا تھا۔ جج صاحبان اپنی سیٹوں سے اٹھ کر چلے گئے۔ جس کے بعد جسٹس قیوم کی ٹیپ آئی جس میں شہباز شریف کو ان کے ساتھ باقاعدہ طور پر گفتگو کرتے ہوئے سنا گیااور اب جج ارشد ملک کا معاملہ، لیکن آج تک ان کو کسی نے کچھ نہیں کہا۔یہ ہمارے ملک کی مقدس گائے ہیں۔ اگر ان کو کچھ نہ کہا گیا تو میری اطلاع کے مطابق آنے والے دنوں میں مریم نواز کا لندن والا میڈیا سیل کسی اور اہم ترین شخصیت کی کردار کشی کرے گا۔
