کراچی(این این آئی)بھارتی حکومت کا پاکستان سے اپنی زمین کا قبضہ چھڑانے پر اظہار تشکر،بدھ کی رات پاکستانی حکام سے مدد طلب کی گئی تھی، تفصیلات کے مطابق بھارتی حکومت نے کراچی میں لینڈ مافیا کے قبضے سے بھارتی ہائی کمیشن کی زمین چھڑانے پر پاکستان سے اظہار تشکر کیا ہے۔ذرائع کے مطابق کراچی میں لینڈ مافیا نے
بھارتی ہائی کمیشن کی زمین پر قبضے کی کوشش کی تھی، جس پر بھارتی حکومت نے بدھ کی رات پاکستانی حکام کو آگاہ کیا،جس پر سندھ رینجرز نے فوری کارروائی کرتے ہوئے زمین کا قبضہ چھڑایا۔ذرائع کے مطابق کامیاب کارروائی پر بھارتی حکومت نے نئی دہلی اور اسلام آباد میں باضابطہ طور پر پاکستانی حکام کا شکریہ ادا کیا۔
