اسلام آباد (این این آئی)الیکشن کمیشن میں جمع کروائی گئی تفصیلات کے مطابق پیپلزپارٹی سے تعلق رکھنے والی روبینہ خالد 550 تولے کی مالک ،راحیلہ مگسی 40 تولے زیور کی مالک ہیں ۔سینیٹر مشاہد اللہ خان کے پاس 20 تولے سونا ہے، سینیٹر ولید اقبال 130 تولہ سونا رکھتے ہیں۔رپورٹ کے مطابق سینیٹر نجمہ حمید کے پاس 60 تولہ زیور ہے جو شادی کے موقع پر دیا گیا۔ رپورٹ کے مطابق سیمی ایزدی کے پاس 60 تولہ تحفے میں دیا گیا سونا ہے۔ رپورٹ کے مطابق سینیٹر کامران مائیکل کے پاس
50 تولہ زیور ہے جو شادی کے وقت دیا گیا، سینیٹر رحمان ملک کی اہلیہ کے پاس 50 تولہ زیور موجود ہے، سینیٹر مولا بخش چانڈیو کے پاس 70 تولہ زیور موجود ہے۔ رپورٹ کے مطابق سینیٹر مصطفی نواز کھوکھر کے پاس اہلیہ کے جہیز کا 40 تولے زیور موجود ہے،میاں رضا ربانی کی اہلیہ کے پاس 238 تولہ زیور موجود ہے ،سینیٹر سراج الحق کی اہلیہ کے پاس ساڑھے چار، تولہ زیور ہے،سینیٹر عطاء الرحمن کی اہلیہ 50 تولہ زیور کی مالک ہیں ،سینیٹر ستارہ امتیاز 50 تولہ زیور کی مالک ہیں۔