اسلام آباد(این این آئی)احتساب عدالت کے جج ارشد ملک کی مبینہ ویڈیو کے بعد ان کے چیمبر کے باہر سیکیورٹی بڑھادی گئی۔میڈیا رپورٹ کے مطابق گزشتہ روز احتساب عدالت کے جج ارشد ملک کی مبینہ وڈیو سامنے آنے کے بعد ان کے چیمبر کے باہر سیکیورٹی میں اضافہ کر
دیا گیا ہے۔واضح رہے مسلم لیگ (ن) کی نائب صدر مریم نواز نے گزشتہ روز پریس میڈیا کو احتساب عدالت کے جج ارشد ملک کی مبینہ ویڈیو جاری کی تھی جس میں انہوں نے الزام عائد کیا گیا کہ جج ارشد ملک کو نوازشریف کے خلاف فیصلہ دینے کیلئے بلیک میل کیا گیا۔